Aniceto Luis Charro Salgado

Categoría: Endocrinólogo
Data de Nacemento: 6 de setembro de 1938
Lugar de Nacemento: Santiago de Compostela
 Currículum

Licenciado en Medicina e Cirurxía con sobresaínte e premio extraordinario na Universidade de Santiago de Compostela en 1962, doutorouse na mesma universidade seis anos despois e especializouse en 1969 en Endocrinoloxía e Nutrición na Universidade Complutense de Madrid. Fellow en universidades estranxeiras: Royal Infirmary (Edimburgo – Escocia, 1965-67), Neels Steenses (Copenhague, 1968-69) e Medical Center (San Francisco – California, 1969-71). Desde 1984 é Profesor Titular/Xefe do Servicio de Endocrinoloxía e Nutrición no Hospital Universitario San Carlos de Madrid (Facultade de Medicina da Universidade Complutense) e catedrático de Medicina da Universidade Complutense desde 1992.

 Obras realizadas

Director de quince proxectos de investigación subvencionados, conta con 248 publicacións en revistas científicas (175 en revistas españolas, 70 en revistas estranxeiras e tres en revistas en francés). Ademais, dirixiu trinta e catro teses y tesinas doctorais, escribiu trinta libros e monografías, impartiu 281 conferencias (vinte en universidades estranxeiras) e levou a cabo duascentas presentacións e presidencias de mesa en congresos e simposios.

 Outros datos de interese

Foi galardoado co Premio San Nicolás da Real Academia de Medicina (Madrid, 1962), o Premio Padre Feijoo de Investigacións Biolóxicas (Ourense, 1973) e o Premio Lilly de Investigación en Endrocrinoloxía (1996). Foi subdirector do Instituto Universitario de Bromatoloxía e Nutrición da Universidade Complutense de Madrid (1984-87), presidente e membro de honor da Sociedade Española de Endocrinoloxía (1987), presidente da Comisión Nacional da Especialidade de Endocrinoloxía e Nutrición (1987-88), presidente da comisión Insalud-Universidad de Investigación (1990-95), presidente da Sociedade de Endocrinoloxía, Nutrición e Diabetes da Comunidade de Madrid (1992-96), vocal da Fundación Española da Nutrición (1998) e vocal da Comisión da Diplomatura de Nutrición Humana e Dietética (Facultade de Medicina, Universidade Complutense, Madrid, 2000). Ademais, desde 1994 é coordinador do Grupo de Nutrición da Sociedade Española de Endocrinoloxía e Nutrición e desde 1995 coordinador-director da asignatura de Patoloxía da Nutrición e Dietética (Facultade de Medicina da Universidade Complutense) e da asignatura de Ciencia e Tecnoloxía dos Alimentos: Nutrición en Procesos Patolóxicos (Facultade de Veterinaria da Universidade Complutense).